Adsense approval ke liye kya kare or kya nahi- 2020

Adsense approval ke liye kya kare or kya nahi, Adsense baar baar reject kyu ho jata hai, Mujhe adsense approval kyu nahi mil raha? Agar kuch aise hi sawal apke man bhi hai to ye post apko jarur padni chahiye taki apko bhi in sawalo ka complete jawab mil sake.

Jaisa ki aap sab jante hai ki ek blog ke liye Adsense kitna important hota hai. Isliye har ek new blogger apne blog ya website se paise kamane ke liye sabse pahle Adsense ko hi chunta hai.

Lekin ek new blogger ke liye Adsense approval lena thoda mushkil bhi hota hai kyunki iske liye use kayi bato ka dhyan rakhna padta hai or aksar new bloggers jane anjane kuch mistakes kar dete hai.

Isliye agar aap bhi Adsense approval ke apply karne jaa rahe hai ya fir Adsense baar baar apka approval reject kar de raha hai to aap is post ko poora jarur pade taki agli baar koi kami na rahe or next time apko adsnese ka approval jaldi mile.

To ayiye ab hum sabkuch vistaar se jante hai ki Adsense approval ke liye kya kare or kya nahi

Adsense approval ke liye kya kare?

Sabse pahle jante hai ki Adsense ke liye apko kya karna chahiye or kin bato ka dhyan rakhna chahiye.

1- Google friendly theme install kare:

Dosto, Apne SEO friendly theme ke bare me suna hoga lekin Google friendly theme!! Bhai ye kya hoti hai?

Normally Google friendly theme ka matlab SEO friendly theme se hi hai lekin theme ko lekar Google ka najariya kuch alag hi hai.

Kahne ka matlab ye hai ki Google ko vo theme jyada pasand aati hai jo fully responcive ho, mobile friendly ho, simple and clean look ho, theme me white background ho, colorful text na ho, mostly black and white category ki theme honi chahiye, light (halki) theme honi chahiye jo fast upload ho sake.

Kahne ka matlab hai ki theme me jyada tamjham na ho or dekhle me user ko interect kar paye or ankho ko na chubhe yani ekdum simple look ho to jyada better rahega.

2- Theme fully customize kare:

Ek acchi theme select karne ke baad aap use fully customize kare taki user post and menus me proper navigation kar sake.

Iske alawa theme ka logo, favicon logo, category and tags, search button, main menu create kare or sath hi other external links remove karke apne khud ke link add kare.

3- Faltu widgets remove kare:

Jab aap koi new theme apne blog par install karte hai to uske sath kayi extra widgets aate hai. Umne me se aap sirf unhi widgets ko apne blog me rakhe jo apke liye jaruri hai jaise- social media buttons, recent posts, archives, subscription,

4- Important page create kare:

Apko apne blog ke liye kuch important pages jarur create karna chiye jaise Contact, Privacy policy, Disclaimer, Terms and Condition etc. Agar ye page apke blog par nahi honge to Adsense apke blog par kabhi bhi approval nahi dega. Isliye aap ye sab pages jarur banaye.

5- Blog ka technical SEO complete kare:

Dosto SEO ek sebse jaruri part hai ek blog ya website ke liye kyunki iske bina ek website internet par samundar me ek paani ki boond jaisi hoti hai yani us website ko kabhi koi search nahi kar pata hai.

Jab baat aati hai technical SEO ki to iske antargat apki website ya blog ka infrastructure (Domain name, Hosting, Theme, Plugins etc.) kaisa hai is baat ka dhyan rakhna hota hai kyunki SEO ek behad long part hai lekin apko Technical SEO par sabse pahle dhyan dena chahiye kyunki ye chije apki website ki backbone ki tarah hoti hai.

Iske baad aap SEO kee other part jaise Onpage SEO, Offpage SEO par regular kaam karte rahe.

Read Also:

6- Category kam & post jyada rakhe:

Agar aap multi category ke liye website banana chahte hai ya tab bhi starting me apko category kam hi rakhni chahiye kyunki isse Google ko ye samjh me nahi aata hai ki vastav me apka blog kis category ka hai or aap vastav me kis niche ko follow kar rahe hai.

Behatar hoga ki aap kisi perticular niche par hi kaam kare isse apke blog par ek target audiance bhi ane lagti hai yani visitors badne ke sath sath unka aap par trust bhi badta hai.

7- Each category should minimum 5 posts:

Apko apne blog ke har ek menu ya category me kam se kam 5 post jarur likhne chahiye kyunki jab bhi apki website review me jati hai to Google ko apke blog ko acche se samjhne ke liye data ki jarurat hoti hai or yaha data ka matlab post ya article se hai.

Isliye aap jitna ho sake utni jyada post likhne ki koshish kare apne blog ko Adsense review ke liye send karne se pahle.

8- Minimum 30 post (quality post) publish kare:

Jaisa ki maine pahle hi bataya hai ki kisi bhi chij ko analyze karne ke liye data ki jarurat hoti hai or jitna jyada data hoga utna hi chijo ko analyze karna asaan ho jata hai or sath hi final conclusion me bhi jyata time nahi lagta hai.

Google bhi kuch aisa hi karta hai ek website ko samajhne ke liye. Isliye apne blog par jyada se jyada content publish kare. Lekin apko sirtf high quality content hi publish karna chaiye kyunki jaisa data aap Google ko doge Google vaisa hi result apko dega.

I thinki ab aap samajh gaye honge ki mai kya kahna chahta hu.

9- Article me text material jyada hona chaihye:

Jab bh aap post likhe to koshish kare ki post me aap image se jyada text material rakhe kyunki Google reviev ke doran text hi dekhta hai kyunki text se hi use ye samjh aata hai ki aap apne article me kya likh rahe hai or vo text kitna genuine hai yani kahi se copy to nahi kiya gaya hai or sath hi use ye bhi samjh aa jata hai apke lihkne ka style kaisa hai or vo user ke liye kitna useful hai etc.

Read Also:

10- Google Webmaster me blog submit kare:

Adsense apply karne se pahle aap apni website ko Google Webmaster me submit kar or sath hi Sitemap bhi jarur sabmit kare.

11- Consistency banaye rakhe:

Aap apne blog par next post kitne time baad publish karte ho ye apki consistency ko dikhata hai. Isse Google ko ye message jata hai ki aap apne blog par kitne active hai or aap apni audiance ko regular content de rahe ho ya nahi.

kyunki Google bhi khud apne business ko badane or jyada paise kamane ke liye aisi hi website ko prefer karta hai jo uske liye fayede ko soda ho kyunki apke sath sath Google ko bhi to kamana hai.

12- Stop other Ad Network if already use:

Agar aap pahle se hi apne blog par kisi other Ad network ka use kar rahe hho to Adsense apply karne se pahle apko apni website par se un Ad networks ko completely remove kar lena chahiye.

13- Blog par thoda traffic badaye:

Halanki ye Google me kahi par bhi mention nahi hai ki Adsnense ke liye apke blog par kitna traffic hona chaiye lekin jab baat ati hai review ki to Google ko bhi acche se samajhhna hota hai ki apki wesite uske liye aage chalkar kitna fayedemand hone wali hai.

So pahle aap apne blog par kuch traffic increase hone de or kuch din wait kare uske baad hi aap Adsense ke apply kare.

Read Also:

14-. Blog ki speed badaye:

Speed ek blog/website ke liye bahut important fector hai. Isliye humesha aap website ki page loading speed ko check karte rahe koshish karte rahe ki webiste ki speed jyada se jyada bani rahe.

Website ki loading speed ko badane ke liye jaruri hai ki website ke liye ek acchi hosting service le, sath hi aap website me lite theme use kare, jyada plugins use na kare, post me jyada images use na kare.

Adsense approval ke liye apko kya nahi karna chahiye:

1- Jaldi apply na kare:

Adsense apply karne ke liye aap jyada jaldi na kare or sirf ye soch kar hi blog par kaam na kar ki mujhe jaldi Adsense ka approval chahiye so mai jaldi jaldi article publish kar deta hu taki jaldi apply kar saku.

Mere hisab se ek new blogger ko kam se kam 3 month tak kafi mehnat se kaam karne ke baad hi Adsense apply karna chaiye taki jyada post publish ho paye or blog fully customized bhi ho sake.

2- Don’t copy paste:

Agar aap apne blog post me copy paste karte hai to aise me aap Adsense ko bhool hi jaye kyunki Google kisi bhi copied content ko asani se track kar leta hai.

Isliye behtar hoga ki aap khud ke vicharo ko hi apne article me lihke. Halanki aap deep information paane ke liye and post ideas lene ke liye bhi other blogs ke related post read kar sakte hai lekin aap unki as it is copy bilkul na kare.

Friends apko yeh baat pata honi chahiye ki Google pe ek hi topic pe already kayi articles hai to iase me aap bhi usi type ka post likhoge to Google apko approval kyu dega kyunki sara traffic to already top websites kha rahi hai or aisa hi content banakar aap usme kahi kho jaoge.

So Agar aap kisi aise topic par post likho jisse related articles Google me naa ho ya bahut kam ho to shayad aap inme kahi rank bhi kar paoge or Google ko bhi apka blog thoda unique lagega.

Isliye aap acche se new topic par research kare or unique articles likhe.

Read Also:

3- Jyada images use nahi kare:

Kisi bhi blog post me images and infographs use karna accha mana jata hai isse user interaction bana rahta hai lekin jyada images use karne se blog ki loading speed bhi kam ho jati hai sath hi Google ko apke blog ka review karte time ye lagta hai ki apne text kam or images jyada use ki hai.

So Google dwara “insufficient content” batakar apka application reject kar diya jata hai. So aap is baat ka jarur dhyan rakhe ki starting me aap har ek post me sirf 1 ya 2 images hi use kare or vo bhi compress karke hi add kare.

4- Social traffic kam kare:

Googel review me ye bhi check karta hai ki apke blog par jyada traffic kaha se aa rha hai yani social media se ya organic kitna traffic aa raha hai.

So apko is baat par jyada dhyan dena hai ki apke blog par organic traffic jayada se jyada aaye yani total traffic ka minimum 60% sirf organic traffic hi hona chahiye.

Iske liye aap SEO pe dhyan de or apne blog ko Google webmaster ke sath hi other Webmaster jaise BIng webmaster, Yandex webmater, Baidu webmater me bhi apne blog ko submit kare.

5- Paid traffic na kharide:

Jyada traffic ke chakkar me aap kahi se bhi paid traffic na kharide kyunki vo genuine traffic nahi hota hai vo sirf bots drara hi bheje jate hai jinse apko koi fayeda nahi hota hai balki Google unhe easily track kar leta hai or vo aise blog par kabhi bhi approval dena pasand nahi karta hai.

So aap humesha sirf or original method se hi kaam kare apko Google Adsense approval easily mil jayega.

6- Adsense policy violent na kare:

Agar aap Google Adsense se paise kamana chahtte hai to aap humesha Adsense ki policy ko jarur follow kare. Agar Google ko aisa lagta hai ki aap uski policy violet kar rahe hai to Google apko Adsense approval dega hi nahi

Googel ki complete policy ko yaha read kare- Read Adsesne policy

7- Adsense apply karne ke baad blog edit na kare:

Google dwara kuch logo ka ye kahkar Adsnese application reject kar diya jata hai “Your site is under construction”

Yani Adsnese apply karne se pahle hi apko apne blog par sabkuch acche se check kar lene hai or uske baad hi aap Adsesne ke liye apply kare and uske baad apne blog me post and pages ke alawa kuch bhi chenge nahi kare.

Ho sake to review time me aap post and pages bhi changes na kare.

Conclusion:

Friends, agar apne pahle bhi Adsnese ke liye apply kiya hua hai ya baar baar apka approval reject kar diya jaa raha hai to iska matlab ye nahi hai ki aoko Adsenes ka approval milega hi nahi balki aap actual problem ko samjhe or phir use thik kare.

Iske alawa agar aap is post me batayi gayi sabhi bato ko follow karte hai to I am 100% sure ki Adsense apko approval jarur dega. Agar fir bhi apko Adsesne approval me koi problem aati hai to aap mujhe comment karke apni problem jarur share kare and mujhe apki help karne me behad khushi hogi.

Umeed karta hu ki ab aap ye baat acche se samjh gaye honge ki Adsense approval ke liye kya kare or kya nahi

Aap is post ko apne friends ke sath bhi share jarur kare. Isi tarah apna pyar banaye rakhe ye post complete padne ke liye apka Dhnyawad.

Read Also:

Add a Comment

Your email address will not be published. Required fields are marked *