Google Par Website Kaise Banaye Free Me | Blog Kaise Banaye



Hello dosto, agar aap bhi chahte hai khud ki website banana to yeh article apke liye bahut helpfull hone wala hai kyunki is post me mai apko bataunga ki Google par website/blog kaise banaye vo bhi bilkul free me. Isliye aapko is post ko poora end tak padna hoga taki aapko website banane ki poori process step by step samajhne me aasani ho. 
Google par website kaise banaye free main; how to create a free website on google; how to make website; create free blog; how to create a blog;
Google Par Website Kaise Banaye Free Me - Complete Guide Step By Step 


Website/blog Kya Hai or Kyu Banaye?

Agar aap bhi internet ki duniya me famous hona chahte hai or paise kamana chahte hai ya agar apke paas kisi prakar knowledge hai jise aap logo ko share karna chahte hai to apko bhi apni ek Website jaroor banani chahiye  kyunki website bana kar aap apne vichar/ideas poori duniya me logo tak pahuncha sakte ho. 

Aap apni website par kisi bhi topic ki jankari share kar sakte ho. Jaise ki- Online paise kamane ki jankari, Internet ki jankari, Cooking Tips, Health & Care Tips, Beauti Tips, Jokes and Chutkule, Exam Tricks, News, Technical Knowledge, Gadgets Reviews, Story, History adi kisi bhi topic se related information share kar sakte ho. 

Iske liye apko apni website banani hai or usme acchi- acchi post detail me likni hogi. Aap apni post kisi bhi language me likh sakte hai. Jaise Hindi or English language. Website banakar article post karne ko ‘Blogging’ kahte hai or website ko ‘Blog’ bhi kahte hai.

Blog/Website banana se apko kya fayade honge?

Dosto blog/ website banane se apko kayi fayade honge jaise ki-
  1. Internet ki duniya me apki alag pahchan banegi.
  2. Blog se aap acche khase paise bhi kama sakte ho.
  3. Apne vichar poori duniya me pahuncha sakte ho.
  4. Apni website ko ek Brand ka roop dekar self employ bhi ban sakte ho. Iska matlab aapko kisi ke  pass job karne ki koi jarurat nahi rahegi.
  5. Blogging ko aap apne career ke roop me bhi apna sakte ho.
  6. Aapko regular kuch naya sikhne ki aadat ban jayegi.
  7. Aapki technical knowledge badegi.
Read also:

Free me Website/blog kaise banaye?

Dosto, website banane ke liye internet par bahut sare platform available hai. Unme se kuch paid hote hai or kuch free wale. Paid wale me hume kuch paise kharch karne padte hai jaise ki Domain Name, Hosting ko paise dekar ek simit samay ke liye kharida jata hai or uski time limit ke baad use renew bhi karna padta hai. 

Lekin apko pareshan hone ki koi jarurat nahi hai kyunki internet par free website banane wale kayi platform moujud hai jo ki sabse jyada popular bhi hai, jaise- Blogger, Wordpress, Tumbler etc.

Inme se Blogger free website/blog banane ke liye sabse jyada popular hai kyunki yaha apko Subdomain or Hosting free me mil jate hai. Vo bhi unlimited time ke liye. Iske alawa Blogger ki taraf se free Templetes bhi mil jate hai. Blogger, Google ka hi ek product hai jo ki sabse jyada lokpriye hai kyunki ye sabse jyada secure bhi hai. 

Blogger par Website/Blog banane ke liye apko Gmail Id ki jarurat hoti hai. Isliye sabse pahle aap apna Gmail Account bana le. Gmail account banane ke aap Google par account(Gmail ID) kaise banaye wali post ko bhi pad sakte hai.


Jab aap apni Gmail Id bana lenge tab aap apna blog banane ka kaam start kar sakte hai . To ayiye ise step by step samajhte hai-


Step- 1 Sabse pahle aap apne Mobile/Computer ke Internet Browser ko open kar lijiye or usme address bar me Blogger.com type kijiye. Iske baad apke samne Blogger website open ho jayegi. Yaha apko create your blog par click karna hai. Click hote hi ek page open hoga jisme apko apni gmail id type karni hai or uske baad password type karke Next button par click karna hai.

Step- 2 Yaha jo page open hoga usme apko Profile Confirm karne ke liye 2  Profile Option honge. Jisme ek Google + Profile hoga or dusra Blogger Profile hoga. In dono option me se aap koi sa bhi ek option select kar sakte hai. Agar aap Google+ Profile select karte hai to yaha apko pahle apni Google+ Profile banane ke liye kaha jayega. Google+ Profile select karne ke liye apko Create a Google+ Profile par click karna hai. 

Step -3 Ab next page me aap sabse pahle apna Name or Last Name type kare. uske baad Create Profile par click kare. uske baad next page me Save button par click kare. Save karte hi apki Google+ Profile ban jayegi. Google+ Profile Facebook ki hi tarah ek Social Media Profile hai.

Step- 4 Iske baad next page me apko apni Google+ Profile conferm karne ko kaha jayega. iske liye aap Continue to Blogger par click kare or next page me apki Blogger Website banane ki process start ho jayegi. iske liye apko Create New Blog button par click karna hai.

Step- 5 Iske baad next page me apko sabse pahle Title wali line me apne blog/website ka name type karna hoga. Yaha aap apni website ka name apni iccha ke anusar likh sakte hai. Iske baad next Address wali line me apko apne blog ka address type krna hoga. 

Yaha aap jo bhi address type karoge us address ko Google dwara pahle us address ko check kiya jayaga ki jo address apne type kiya hai vo available hai ya nahi. Yadi vo address available nahi hai to aapko dubara new address type karna hoga. Aap chahe to apne address me koi Number ya special charector use kar sakte hai. Iske baad .blogspot.com google apne aap hi add kar deta hai kyunki aapka blog/website Blogger par hi banayi gaya hai. 

Step- 6 Iske baad niche apko apni website/blog ki Theme select karne ka option milta hai, jaha se aap apni pasand ki koi si bhi theme select kar sakte hai. Iske baad aap Create Blog! par click kare.

Step- 7 next page me yadi aap apne Blog/Website ke liye Custom Domain (special domain) kharidna chaho to use type karke Search kar sakte ho. Custom Domain me apke domain name ke age .blogspot.com nahi aayega. sirf aapka hi domain show hoga. 

Jaisa ki humare is blog ka domain rksuppports.com hai. ise humne alag se khareed kar lagaya hai. Vaise agar apko abhi domain ki koi jarurat nahi hai to aap ise ignore karne ke liye No Thanks par click karke age bad sakte hai.

Step- 8 Ab yaha apke samne blogger ka Deshboard show hoga. Isme aapko Setting par click karna hai. yaha basic setting me Discription ke aage diye gaye Edit button par click karna hai. click karte hi ek chota sa khali box open hona jisme apko apne blog ka Discription yani apne blog/website ke bare me maximum 500 words me likhna hai. or uske baad Save Changes button par click kar dena hai.
Ab apka Website/Blog laghbhag ban chuka hai. Or ab aap isme apni Post likhna start kar sakte hai. Post likhne ke liye aap Blogger Deshboard ke Posts button par click kare. uske baad New Post par click kare. 

Ab jo page open hua hai usme aap sabse uper Post wali line me apne Post ka Title likhe. Or niche ek khali jagah dikhai deti hai jisme aap apni post likh sakte hai. Aap chahe to text ko Edit bhi kar sakte hai, jiske liye- Bold, Italic, Underline, Font Style Font Size, colour adi options diye hote hai. Jab apki Post complete ho jaye to use Publish karne ke liye Publish button par click kare. Yesa karte hi apki Post publish ho jayegi. 

Ab aap chahoge ki apne Blog/Website ko dekha jaye ki vo kaisa dikhta hai to uske liye aap Blogger ke Deshboard me diye gaye View Blog button par click kare. Yesa karte hi aapke samne apki website open ho jayegi.

At Last:
To Dosto is post me apne ye jana ki Website/blog kya hai or kyu banaye, website/blog se apko kya fayede honge, or free me Website/Blog kaise banaye. Me ummed karta hu ki apko is article se kuch jankari jaroor mili hogi.

Is post ko apne dosto ko jaroor share kare taki unhe bhi esi important jankari prapt ho sake.
Agar apke is post se related koi sawaal ya sujhav hai to iske liye aap hume Comment karke jaroor bataye. 

Thanks for visit here.





Previous
Next Post »

1 comments:

Click here for comments
5 December 2018 at 03:08 ×

I appreciated your work very thanks realizzazione e-commerce san marino

Congrats bro Muhammad Rafay you got PERTAMAX...! hehehehe...
Reply
avatar